AGUR ARANTZABELARI

Agur, agur, agur Arantzabelari

agur, agur, agur jende guztiari.

Haur hezkuntzan gu beti jolasean

Pozik ta zoriontsuak ginen

Gela magikoan ta bideogelan

Oso ondo pasatzen genuen.

Agur…

Letraz letra guztiok hasi ginen

idatzi eta irakurtzeko asmoz

Lehen Hezkuntzan kezkati, urduri

baina beti ikasteko gogoz.

Agur…

Urtez-urte aurrera joan gara

ta ikastolan oso gustura

ikasketetan ondo prestatuta

joango gara institutura.

Agur…

Institutuan guk espero dugu

Lagun berriak edukitzea

Gehiago ikasi behar izan arren

Nahi genuke ondo pasatzea.

Agur…

 

18-19 ikasturteko azken eguneko argazkiak

AZKEN TXANGOA

Gaur Donostia aldera joan gara eta zientziaren aurpegi alaiena aurkitu dugu:  Eureka! Zientzia museoa.
"Debekatuta dago ez ukitzea" lemapean jolastu eta ikasi dugu. Zientzia ikusteko, sentitzeko eta gozatzeko oso leku aproposa dela iruditu zaigu. Primeran ibili gara lagunartean eta esperimentuak egiten.
Beno, hau izan da ikastolan egin dugun azken txangoa. Hau pena!

ARGAZKIAK

SANTA MARIA KATEDRALA

 BISITAREN ARGAZKIAK

Berriz ere Katedrala bisitatzeko aukera izan dugu. Aurreko ikasturtetan ikasitakoa gogoratu eta hobeto ulertzeko baliogarria izan zaigu: bere historia, estiloa, gaixotasunak, konponketak... eta gure hiriarentzat duen garrantzia, besteak beste. Katedraleko irudiak ikusi nahi badituzue, bertako web-gunean sartu besterik ez duzue, bisita birtuala eta guzti: Ibilbide birtuala.

BISITA SANTA MARIA KATEDRALERA: JOLASAK

Ikasitakoaz jabetzeko jolasa:

 Katedral baten elementu arkitektonikoak ezagutzeko jolasa:

Katedralean jende asko ari da lanean; horien lanbideak ezagutzeko urkatu-jolasa,  guztira 13 lanbide daude.

BISITA SANTA MARIA KATEDRALERA

Irteera hau egin baino lehen, katedralean egiten ari diren zaharberritze-lanak ezagututzeko, bideo hauek ikusiko ditugu:

• "Laiaren fitxategi sekretuak - Misioa katedralean". Bisita LHko 6. maila. Gasteizko Udaleko Hezkuntza Zerbitzuak eta Santa Maria Katedrala Fundazioak eginiko DVDa.
• Vitoria-Gasteizko Santa María Katedrala. Historia eta egindako azterlanak.

"Katu bazen behin...Gasteizen" ipuina

Santa Maria Katedralaren sekretu guztiak ezagutzeko,  "Katu bazen behin...Gasteizen" ipuina irakurriko dugu.

(Ainhoa Gomez, idazlea; Ismael García, marrazkilaria. Santa Maria Katedrala Fundazioa)

Ipuinean aurrera egin ahala, hainbat galdera egingo dituzte. Erantzun galdera horiek aurrera egin baino lehen.

Liburua deskargatzeko esteka:

• https://www.catedralvitoria.eus/eu/gaurkotasuna/1976/katu-bazen-behin-gasteizen

ERDI AROKO GASTEIZ- 6. MAILA A

Zein polita den gure hiria, eta zenbat historia gordetzen dituen!

Erdi Aroko Gasteiz aztertzeko aukera izan dugu bi adituekin: Xuban eta Mikel.

Pistak jarraituz eta argibideen bitartez, Erdi Aroko eraikin, ohitura  eta

gertaera garrantzitsu batzuk ikasi ditugu.

Orain badakigu noiz eta nola sortu zen gure hiria!

ARGAZKIAK

IBILBIDEA ERDI AROKO GASTEIZEN ZEHAR

Laster ibilaldi bat egingo dugu gure hiriko Erdi Aroko hirigunean zehar.

Ibilbidea egin baino lehen, bisitan kontatuko digutena hobeto ulertzeko, hainbat gauza ikertzea baliagarria izango zaigu.

Hasteko, bideoa ikusiko dugu, baina kontuz! Azken ikerketa historikoek bideoan emango dituzten hainbat datu eta gertakizun beste modu batean izan zirela esaten digute, esaterako, hiriaren eraikuntza-faseen bilakaera. Badirudi hiriaren lehen forua 1150-1157 urteen artean eman zela eta lehen harresia hamarkada batzuk lehenago eraiki zela.

Zenbat ulertu dugun jakiteko, jolas honetan arituko gara denok batera :

• KAHOOT!

FORUEN PLAZATIK ARTIUMERA

Ibilbide hau Foru plazan hasi eta ARTIUM Arte Garaikideko Euskal Zentro-Museoan bukatu da. Foru plazaren ezaugarriak eta erabilerak landu ditugu  jolasen bidez, plazan bertan. ARTIUMen, berriz, jarduera plastikoa egin dugu, plazan ikasitako edukiak garatzeko.

 ARGAZKIAK

PREBENTZIOA BIDEAN ETA SUTEETAN

Aste honetan Udalak antolatutako beste jarduera batean hartu dugu parte.
 "Bide Hezkuntza eta Suteen aurkako prebentzioa " gaiei buruz gehiago ikasteko, suhiltzaile eta udaltzain baten laguntza izan dugu.
 Interesgarria izan da beraien egoitzetara egindako bisita.

ARGAZKIAK