BIZIKIDETZA IKASGELAN: BIDEOAK

 

BIZIKIDETZA IKASGELAN

Egun hauetan "Bizikidetza ikasgelan" programa lantzen ibili gara ikastolan.
Programan ekintza ezberdinak egin ditugu, haien artean Albertia zahar egoitzara joatea.
Bertan, egoitza ikusteaz gain; aiton-amonekin hitz egin dugu, txirula kontzertu txiki bat eskaini diegu, dantza batzuk egin ditugu eta haiekin eskulanak egiteko ere aukera izan dugu. Oso esperientzia polita eta aberasgarria izan da.

ARGAZKIAK

INTERLAND

Interneteko segurtasuna lantzeko jolasa.

PANTAILA SEGURUAK

Egun hauetan "Pantaila Seguruak. Internet eta sareak" programa landu dugu.  Beste gauza batzuen artean, gizarte sareak oso tresna lagungarriak direla ikasi dugu. Baina, bisitan etorri zaigun udaltzainak ondo azaldu digun bezala, arriskuak ere badituzte; esaterako, mehatxu pertsonalak, intimitatearen aurkako delituak, iruzurrak, eduki desegokiak eskura izatea, etab. Gainera, adin txikikoak izanda, arriskuak eta delituak larriagoak dira.

Komunikabide elektronikoak nola erabili behar ditugun aztertu dugu: Interneta, sakelako telefonoa, korreoa... Hau da, IKTak modu seguru eta arduratsu batean nola erabili ikusi dugu; oso erraza baita neurri batzuk hartu ezean edonork gure dispositiboetan dugun datu, irudi, ... guztiak eskuratzea.
Orain gure eskuetan dago hori dena praktikan jartzea.

Familian IKTak erabiltzeko aholkuak eta gidak ikastolako webgunean ikus ditzakegu; beraz, esan gurasoei begirada bat botatzeko:

IKT ETA FAMILIA

Bukatzeko, hurrengo bideoa ikusiko dugu eta gero denon artean komentatuko dugu: